9 снежня Беларусь святкуе дзень нараджэння паэта, казачніка, перакладчыка, этнографа, літаратурнага крытыка, гісторыка, нашага нацыянальнага генія Максіма Багдановіча. Зорка гэтага таленавітага чалавека заззяла на нашым небасхіле 130 гадоў назад і ярка свеціць да гэтага часу. Сёння памяць вялікага, славутага і вечна юнага паэта-беларуса ўшаноўвалі ў сценах Касцюковіцкай цэнтральнай раённай бібліятэцы імя Івана Чыгрынава на святочнай вечарыне “Незабыўны Максім Багдановіч”, падрыхтаванай удзельнікамі народнага аматарскага аб’яднання “Літаратурная гасцёўня “Крынічка”. Гледачам быў прапанаваны нарыс жыця і творчасці паэта, прагучалі вершы Максіма Багдановіча і песні, напісаныя на яго вершы.
