8 чэрвеня ў чытальнай зале цэнтральнай бібліятэкі імя І.Чыгрынава адбылася гадзіна знаёмства з творчасцю паэткі-зямлячкі, члена Саюза пісьменнікаў Беларусі Тамары Мітрафанаўны Ляліхавай.
Тамара Мітрафанаўна аўтар кніг «Истины жизни», «Гронка бацькавай каліны», «Благославенна встреча», «Табе, Беларусь, свае песні спяваю», «Адна на скразняку», яна з’яўляецца членам міжнароднай грамадскай арганізацыі «Саюз пісьменнікаў і майстроў мастацтваў». Вершы паэткі выпраменьваюць святло і цеплыню, яны напісаны на самыя розныя тэмы, на 40 з іх напісаны песні. З удзельнікамі сусрэчы Тамара Мітрафанаўна падзялілася ўспамінамі аб жыцці і творчасці, нагадала жудасныя эпізоды вайны, якую перажыла ў дзіцячым узросце, выказала свае меркаванні аб тым, што ў наш час трэба берагчы мір. Яна чытала вершы, спявала песні, расказвала цікавыя гісторыі свайго жыцця. Нягледзечы на праліўны дождж, гледачоў сабралась поўная зала і ўсе з вялікай цікавасцю слухалі паэтку і жадалі ёй новых творчых здзяйсненняў.
