У суботу адбылося адкрыццё новай крамы “Журавінка” , якая належыць ААГ “Клімавіцкі камбінат хлебапрадуктаў”. Яна размясцілася ў будынку былой крамы “Бруснічка”, што на станцыі Камунары.У асартыменце гандлёвай кропкі прадстаўлена разнастайная прадукцыя. Тут ёсць усе неабходныя прадукты харчавання, кошт на якія адметна меншы, чым у іншых крамах горада. Як падкрэсліў кіраўнік прадпрыемства, гэта ўжо сёмы аб’ект у вобласці, які яны адкрылі, арыентуючыся на пэўны кантынгент насельніцтва – пенсіянераў. Пры фарміраванні асартыменту тавара ўлічваецца не толькі іх пакупальніцкая здольнасць, але і асабістыя пажаданні.
З васьмі гадзін раніцы і да васьмі вечара крама “Журавінка” чакае сваіх пакупнікоў, якія заўсёды набудуць тут толькі свежыя прадукты і па прыемнаму кошту. Ёсць тут і мяса, рубленнае на кавалачкі рознага памеру, з Бабруйскага мясакамбіната, свежазамарожаная рыба з “Санта Брэмар”, малочная прадукцыя з Рагачова, цукеркі і печыва і многае іншае. А крупяныя вырабы таксама ёсць і значна таннейшыя, чым дзе.
Ірына ПЕТРУСЕВІЧ.
Фота аўтара.
